Om Vest-Telemarkrådet

Viktig distriktspolitisk samarbeidsorgan

Vest-Telemarkrådet har gjennom åra utvikla seg til på bli eit viktig distriktspolitisk samarbeidsorgan for kommunane i Vest-Telemark. Organet har ei sentral rolle i arbeidet med å legge til rette for god samhandling over kommunegrenser. Ei viktig målsetting er å gjera regionen attraktiv for busetnad, arbeid og oppleving. Eit godt samspel mellom kommunane er heile tida avgjerande for god måloppnåing.

Gjennom samarbeidet har regionen oppnådd:

• Auka samhald og sterkare felles identitet
• Å framstå som ei samla eining i høve til stat, fylkeskommune og omgjevnad elles
• Betre grunnlag og større tyngde i forhandlingsspørsmål
• Betre grunnlag for å nå fram i høve til felles søknadar
• Semje i vanskelege saker
• Auka lokal merksemd og betre grunnlag for etablering av samarbeidsordningar
• Betre grunnlag for etablering og busetting i regionen
• Auka grunnlag for felles investeringar i infrastruktur som t.d. breiband