Klimaplan for Vest-Telemark

No skal handlingsdelen til klimaplanen i Vest-Telemark rullerast. Klimaforum i Vest-Telemark opnar for innspel til varsel om planarbeidet.

Vest-Telemarkrådet vedtok i rådsmøte 04.02.25, sak 04/25, å starte opp arbeidet med å rullere handlingsdelen til klimaplanen for Vest-Telemark. Klimaforum i Vest-Telemark med representantar frå kommunane varslar med dette oppstart av planarbeid i medhald av plan- og bygningslova § 11-12.

Målet med rulleringa er å prioritere og redusere talet på tiltak, slå saman liknande tiltak, presisere og prioritere eksisterande og nye tiltak og vurdere nye tiltak etter ny kunnskap.

Hovuddokumentet for klimaplanen for Vest-Telemark og satsingsområda skal ikkje rullerast i denne prosessen.

Kom med innspel

Har du innspel til varsel om planarbeidet, kan du sende det på e-post til klimaforumet ved Anne-Sofie Bergene Strømme innan 25.04.2025. Merk innspelet Rullering av handlingsdel for klimaplanen for Vest-Telemark.