Hanakamjuvet i Kivledalen. (Foto: Kasper M. de Thurah)
Klimaforum vil høyre di meining
Handlingsdelen til klimaplanen i Vest-Telemark skal rullerast, og Klimaforum i Vest-Telemark opnar for innspel til varsel om planarbeidet.
Publisert:
Vest-Telemarkrådet vedtok i rådsmøte 4. februar 2025 å starte opp arbeidet med å rullere handlingsdelen til klimaplanen for Vest-Telemark. Klimaforum i Vest-Telemark med representantar frå kommunane, varslar med dette oppstart av planarbeid i medhald av plan- og bygningslova § 11-12.
Målet med rulleringa er å prioritere og redusere talet på tiltak, slå saman liknande tiltak, presisere og prioritere eksisterande og nye tiltak og vurdere nye tiltak etter ny kunnskap.
Kom med innspel
Har du innspel til varsel om planarbeidet, kan du sende det på e-post til klimaforumet ved Anne-Sofie Bergene Strømme innan 25.04.2025. Merk innspelet Rullering av handlingsdel for klimaplanen for Vest-Telemark.
Hovuddokumentet for klimaplanen for Vest-Telemark og satsingsområda skal ikkje rullerast i denne prosessen!
