Nye arbeidsplassar i eksisterande bedrifter - utnyttar vi potensialet?

Ein attraktiv arbeidsmarknad er avgjerande for å vere ein attraktiv region. ”Eldrebylgja” vil i åra framover skape stort behov for arbeidskraft særleg i offentleg sektor. For å halde på innbyggjarar og tiltrekkje seg nye, må regionen kunne tilby ein mangfaldig og spanande arbeidsmarknad, ikkje minst i næringslivet. Korleis skal vi skape nye, lønsame og attraktive jobbar i privat sektor ?

Vest-Telemark konferansen 2010 ser med kritisk blikk på kva som skal til for å skape nye arbeidsplassar i Vest-Telemark. Kor er det truleg at eventuelle nye arbeidsplassar kjem? I kommunal, statleg eller privat sektor? Kor mange nye arbeidsplassar vert skapt i eksisterande bedrifter? Har næringslivet i Vest-Telemark eit sjølvstendig ansvar for å skape nye arbeidsplassar? Støttar det offentlege bare nyskapingar? Gløymer vi at det kanskje er lettare å skape nye arbeidsplassar i eksisterande bedrifter? Kva skal til for å modernisere og utvikle næringslivet i Vest-Telemark?

Tenk om dette var tilfellet:

”Frå 2011 skal all innovasjon, virkemiddel og utviklingsarbeid rette seg mot eksisterande verksemder. Nyetableringar skal skje gjennom knoppskyting frå etablerte verksemder… ”

Til innleiarar har vi invitert leiar av næringskomitéen på Stortinget, Terje Lien Aasland, til å snakke om politikk for nyskaping i distrikta, Bård Strandheim frå IKT-Grenland og Henrik D. Finsrud frå Arbeidsforskningsinstituttet skal snakke om næringsklynger som utviklingsmetode. Til slutt vil Ingebrigt Steen Jensen utfordre oss til å utvikle innovasjonskulturen i Vest-Telemark.

Som vanleg har vi spanande lokale innlegg som fokuserer på ulike delar av problematikken. Det vert innspel frå Novelda, Skorve Entreprenør, Dalen Hotel, Statkraft Region Øst-Norge, Vest-Telemark Næringsforum og Ola Roald AS Arkitektur. Kanskje blir du kjent med nye delar av næringslivet i Vest-Telemark?

Program

13.30

• Registrering. Enkel servering

14.00

• Opning. Kulturskulen i Tokke

14.15

• Politikk for nyskaping i distrikta. Terje Lien Aasland. Leiar av næringskomitéen på Stortinget.
• Næringsklynger – ein betre veg til nyskaping? Bård Stranheim, IKT Grenland. Henrik D. Finsrud, Arbeidsforskningsinstituttet.

15.30

• Pause

16.00

• TEMAFOREDRAG:
• Novelda - ei kompetansebedrift i Vest-Telemark. Dag Wisland, Novelda.
• Skorve Entreprenør – ei gasellebedrift i Vest-TelemarK. Per Ivar Magnushommen, Skorve Entreprenør AS.
• Kvifor i all verda investere i Vest-Telemark? Thor Halvorsen, Dalen Hotel.

Pause

• Kan nyskaping i Statkraft kome i Vest-Telemark?
  Rolf Normann, Statkraft Region Øst-Norge
• Har vi potensiale for nyskaping i Vest-Telemark?
  Olav Veum, Vest-Telemark Næringsforum
• Prøvebustadprosjektet - eit nyskapande prosjekt
  Sverre Sondresen, Ola Roald AS Arkitektur

18.15

• Pause

18.30

• Korleis utvikle innovasjonskulturen i Vest-Telemark? Ingebrigt Steen Jensen. Alltid. Uansett.

20.00 -22.00

• Middag

Med helsing arbeidsgruppa for konferansen

• Karl Torstein Hetland, Vest-Telemark ressurssenter
• Kjell Gunnar Heggenes, Vest-Telemarkrådet
• Haldor Kaasin, Vest-Telemark Næringsutvikling
• Elisabeth Lid, Vest-Telemark Næringsutvikling
• Olav Veum, Vest-Telemark Næringsforum
• Anne-Nora Oma Dahle, Vest-Telemarkrådet